Premer-ministr Oljas Bektenov Kókshetaý, Semei jáne Óskemen qalalarynda salynýy tiis jylý elektr ortalyqtaryna (JEO) qatysty málimdeme jasady, dep habarlaidy Dalanews.kz.
Bul jobalardy bastapqyda Resei qarjylandyrýy kerek bolǵan,
"Resei tarapynan jeńildetilgen, kepildendirilgen qarjylandyrý jóninde naqty aqparat kelgen joq. Sondyqtan biz Kókshetaýdaǵy qurylys jumystaryn eshkimniń kómeginsiz bastap kettik. Bul jobamen “Samuryq-Energo” ainalysyp jatyr. Al Semei men Óskemen boiynsha resmi jaýapty kútip otyrmyz. Eger jaqyn arada jaýap bolmasa, bul nysandardy da óz kúshimizben júzege asyramyz. Óitkeni bul jobalar óte mańyzdy – bizge jaryq ta, jylý da qajet", – dedi Úkimet basshysy.
Jýrnalister Bektenovke biýdjettik múmkindikterge qatysty suraq ta qoidy.
"Jetedi. "Samuryq-Energo"-nyń naryqtyq tetikteri bar. JEO – bul biznes joba. Ol iske qosylǵannan keiin tabys ákeledi, investitsiialar qaitarylady. Bul rette eshqandai másele joq", – dep jaýap berdi.
