AQSH prezıdenti Barak Obama Ýkraına oqıǵasynan keıin Reseıge salǵan sanksıany taǵy da bir jylǵa uzartty.
Aq úı taratqan habarlamada Reseıdiń Ýkraınaǵa qatysty qazirgi saıasaty men áreketi bul eldiń beıbit ómirine, egemendigine jáne terrıtorıaldyq tutastyǵyna tolyqtaı qaýip tóndirip, demokratıalyq úderisterdiń júrýine kedergi keltiredi delingen.
Sonymen birge onda qalyptasqan jaǵdaı AQSH-tyń ulttyq qaýipsizdigi men syrtqy saıasatyna tótenshe qaýip tóndiretindigi aıtylǵan.
AQSH sanksıny 2017 jyldyń 6 naýryzyna deıin uzartqan.
Munan ózge 2014 jyly Obama Ýkraınadaǵy jaǵdaıǵa jáne Reseıdiń Qyrymdy aneksıalaýyna baılanysty úsh qujatqa qol qoıǵan.
