Aqtóbe oblysynyń Mártók aýdanyndaǵy «Jaisan» shekaralyq baqylaý-ótkizý beketinde Resei Federatsiiasynyń jańa shekaralyq tártibine bailanysty uzyn-sonar kezek paida boldy, - dep habarlaidy Dalanews.kz
Qalyptasqan jaǵdaiǵa bailanysty QR Tótenshe jaǵdailar ministrliginiń qutqarýshylary men №20982 áskeri bóliminiń áskeri qyzmetshileri oqiǵa ornyna jiberilip, júrgizýshilerge jedel kómek kórsetilip jatyr. Olarǵa ystyq tamaq pen aýyz sý taratylyp, alǵashqy meditsinalyq jáne sanitarlyq kómek uiymdastyrylǵan. Sonymen qatar, júrgizýshilerge aqparattyq keńes te berilýde.
Keptelistiń basty sebebi — Resei shekarasynan vizasyz ótetin shetel azamattaryna arnalǵan jańa tártiptiń engizilýi. Endi elge kiretin azamattar saparǵa keminde 72 saǵat buryn nemese 90 kúnnen erte emes merzimde ruID mobildi qosymshasy arqyly ótinim berýleri kerek. Bul ereje ázirge erikti sipatqa ie bolǵanymen, qosymshany paidalanýǵa keńes beriledi, sebebi ol Resei aýmaǵynda memlekettik qyzmetterge qol jetkizý, SIM-karta rásimdeý jáne aiyppuldardy tóleý siiaqty birqatar múmkindikter beredi.
Aita keteiik, jańa ereje 30 maýsymnan bastap barlyq ótkizý beketterinde kúshine endi. Shuǵyl jaǵdailarda — mysaly, týystyń aýyrýy nemese qaitys bolýy sekildi mán-jailar týyndasa, ótinimdi 4 saǵat ishinde rásimdeýge bolady. Ol úshin tiisti qujattar qajet.
Qazirgi ýaqytta shekaradaǵy jaǵdai turaqty baqylaýda. Tiisti organdar ahýaldy turaqtandyrý jáne kezekti qysqartý úshin qajetti sharalardy qabyldap jatyr.
