Sot prosesi kezinde Dıak birneshe jyl qatarynan reseılik sportshylardyń dopıngke synamanyń oń nátıje kórsetkenin jasyryp kelgen. Ol muny 2013 jyly Máskeýde ótetin jeńil atletıka boıynsha álemdik chempıonat aldynda Reseıdi uıatqa qaldymaý úshin jáne iri demeýshilermen kelissózdi buzbas úshin barǵanyn aıtqan.
Sot málimetine sáıkes, bul reseılik sportshylarǵa 2012 jyly Londonda ótken Olımpıada oıyndaryna qatysýǵa múmkindik bergen.
Parıj soty Dıaktan basqa Reseı jeńil atletıka fedarasıasynyń burynǵy basshysy Valentın Balahnıchev úsh jylǵa, Reseı quramasynyń burynǵy bapkeri Alekseı Melnıkovty eki jylǵa bas bostandyǵynan aıyrdy. Ekeýi de Reseıde turatyn bolǵandyqtan, syrttaı sottaldy. Fransıa olarǵa halyqaralyq izdeý jarıalady.
Balahnıchev kinásin moıyndamady. Sot sheshimine qarsy Fransıa Joǵarǵy sotyna jáne Eýropanyń adam quqyqtary jónindegi sotqa shaǵymdanamyn dep otyr.
Reseı jeńil atletıka federasıasy 2015 jyldan beri dopıng erejesin birneshe ret buzǵannan keıin dıskvalıfıkasıalandy. Sol sebepten reseılik jeńil atletter halyqaralyq sport baıqaýlaryna qatysa almaıdy.
