Reseidiń Tergeý komiteti terroristerdiń boljamdy úsh sybailasyn tutqyndaýdy surady, olarǵa qatysty is materialdary Basman sotyna tústi, - dep habarlaidy Dalanews.kz.
Mash arnasy olardyń esimderin jariia etti.
"Olar - Aminchon, Dilovar jáne Isroil Islomovtar (ákesi men eki aǵaiyndy). Olar terroristerge kómek, bailanys, logistika uiymdastyrdy degen kúdikke ilindi", - dep jazylǵan arna málimetinde.
Keiinirek olar Basman sotyna jetkizildi.
Derekterge súiensek, Dilovar Islomov 1 ai 29 kúnge qamaýǵa alyndy. Ol 22 mamyrǵa deiin tergeý izoliatorynda bolady.
"Terroristerdiń biri Shamsidin Faridýni 2024 jyly naýryzdyń basynda Aminchon men Dilovar Islomovtardy shabýyl uiymdastyrýǵa tartqan.
Olar kólik pen logistikaǵa jaýapty boldy. Dilovar arqyly shabýyldaýshylar aq tústi Renault Symbol satyp aldy. Olar shabýyldan keiin Briansk oblysynda qýǵyn-súrginnen jasyrynýǵa tyrysty", - dep jazylǵan derekte.
Al 64 jastaǵy Isroil Islomov 22 mamyrǵa deiin qamaýǵa alyndy. 33 jastaǵy Aminchon Islomov 22 mamyrǵa deiin tergeý izoliatorynda bolady. Ol júrgizýshi bolyp jumys istegeni jáne aǵasymen birge Resei azamattyǵyn alǵany belgili.
"Ákesiniń Tájikstan pasporty jáne Resei Federatsiiasynda turýǵa ruqsaty bar. Olardyń eshqaisy kináni moiyndaǵan joq. Eki kún ishinde barlyǵy jeti adam qamaýǵa alyndy", - dep jazdy arna.
Aita keteiik, atys "Piknik" rok-tobynyń kontsertine birneshe minýt qalǵanda bastalǵan bolatyn.
"Zalda júrgen adamdar atystan qorǵaný úshin birden jerge jatyp qorǵandy. Keminde 15-20 minýt jerde jatyp, aqyryndap syrtqa shyǵa bastady. Kóbi qashyp úlgerdi", - dep jazdy sol kezde reseilik arnalar.
Al buǵan deiin Máskeý qalasynyń aýdandyq sotyna Krokýs-Ekspo saýda oiyn-saýyq ortalyǵynda aýqymdy terroristik akt jasady degen kúdiktiler ákelingen bolatyn. Keiinirek Basman aýdandyq soty terrorister tobyna qatysty aldyn ala tergeý organdarynyń bultartpaý sharasyn tańdaý týraly ótinishin qaraýǵa kiristi.
Reseidiń Tótenshe jaǵdailar ministrliginiń aldyn ala aqparaty boiynsha terroristerdiń atys qarýyn qoldanýy men saýda oiyn-saýyq ortalyǵy órtenýinen 130-dan asa adam qaza tapqan, zardap shekkenderdiń sany 180 adamnan asady.
Sot buǵan deiin ustalǵan kúdiktilerge 1 ai 28 táýlik merzimge, iaǵni 2024 jylǵy 22 mamyrǵa deiin qamaýǵa alý túrindegi bultartpaý sharasyn tańdady.
