Resei Memlekettik dýmasy shetelde júrgen reseilikterdi qorǵaý maqsatynda qarýly kúshterdi paidalaný jónindegi zań jobasyn birinshi oqylymda qabyldady. Qujatty 413 depýtat qoldady, qarsy daýys bergender bolmady, dep habarlaidy Dalanews.kz.
Jańa túzetýlerge sáikes, Resei prezidentiniń sheshimimen el azamattaryn shetel aýmaǵynda qorǵaý úshin áskeri kúsh qoldanýǵa múmkindik beriledi. Áńgime sheteldik sottardyń sheshimimen qamaýǵa alynǵan, ustalǵan nemese qylmystyq jaýapkershilikke tartylǵan reseilikter týraly bolyp otyr.
Alaida bul norma Resei moiyndamaityn nemese quzyreti Máskeýmen jasalǵan halyqaralyq kelisimderge ne BUU Qaýipsizdik keńesiniń qararyna negizdelmegen sottarǵa ǵana qatysty bolmaq.
Resei biliginiń ókilderi atalǵan bastama shetelde qýdalaýǵa ushyraǵan azamattardy quqyqtyq turǵyda qorǵaýǵa baǵyttalǵanyn málimdedi. Sonymen qatar depýtattar bul qujat áskeri kúsh avtomatty túrde qoldanylady degendi bildirmeitinin atap ótken.
