Reseidiń Sverdlov oblysy Revdinsk qalasynyń soty Qazaqstan azamaty Andrei Hohlovty politsiia bóliminde "Slava Ýkraine!" dep aiǵailaǵany úshin 13 kúnge qamaýǵa aldy, dep habarlaidy Dalanews.kz.
Osy is boiynsha sot qaýlysy shyqqanyn "Mediazona" agenttigi málim etti.
Andrei Hohlov 4 maýsymda kóshede balaǵat sóz aitqany úshin ustalyp, politsiia bólimshesine jetkizilgen. Ol sol jerde "qolyn sermep, "Slava Ýkraine!" ("Ýkraina dańqy arta bersin!") dep aiǵailady" dep jazylǵan is materialynda.
Politseiler qoǵamdyq orynda "Slava Ýkraina!" uranyn aityp, ekstremistik simvolikany dáriptedi degen aiyppen qazaqstandyq azamatqa ákimshilik hattama toltyrdy. Sot Hohlovtyń aitqan sózin "Ýkraina ulttyq assambleiasy – Ýkraina halyqtyq ózin ózi qorǵaý" jáne "Pravyi sektor" ekstremistik uiymdaryna tán qylyq" dep tapqan.
Sonymen qatar oǵan 500 rýbl aiyppul salynǵan. Al ekinshi ákimshilik hattama boiynsha sot ony 13 kúnge qamaǵan. Hohlov kinásin moiyndaitynyn jáne isine ókinetinin aitqan. Ol politsiia bóliminde "Slava Ýkraine!" dep aiǵailaǵan kezde masań boldym dep túsindirgen.
Eske salaiyq, 2024 jyly 18 qańtardan bastap Resei ádilet ministrliginiń eskertýimen elde "Ýkrain ultshyldary uiymynyń" belgisi men "Slava Ýkraine!" degen uran sózdi qoldanýǵa tyiym salynǵan.
