Resei aýmaǵy arqyly qazaq munaiyn eksporttaý tolyqtai qalpyna keldi
Qazaqstan Premer-ministri Álihan Smaiylov KTK bas direktory Nikolai Gorbanmen kezdesýden soń osylai dep málimdedi.
– KTK-nyń teńiz terminalyndaǵy zaqymdanǵan qurylǵylar jóndelgenine qýanyshtymyz. Kedergi joiylyp, endi Qazaqstan munai óndirý qýatyn tolyq qalpyna keltiredi, – dep málimdedi Álihan Smaiylov.
Qazaqstannyń Teńiz, Qarashyǵanaq jáne Qashaǵan iri ken oryndarynda óndirilgen munai KTK arqyly eksporttalady. Qazaqstan úkimetiniń málimetinshe, 2021 jyly osy qubyrmen 53,1 million tonna, al biylǵy qańtar-sáýir ailarynda 18,7 million tonna qazaq munaiy tasyldy.
Biyl naýryzda Novorossiisk túbindegi portta KTK-nyń jaǵalaýdaǵy eki qurylǵysy isten shyǵyp, munai aidaý kórsetkishi shekteldi. KTK arqyly aǵatyn munaidyń shamamen 90 paiyzy Qazaqstannan keledi.
