Reseı AZAL áýe kompanıasynyń ushaǵynyń apaty úshin jaýapkershilikti moıyndaýdan bas tartyp, kináni Ýkraınaǵa artty, - dep habarlaıdy Dalanews.kz.

Rosavıasıa basshysy Groznyı áýejaıynda apat bolǵan sátte «qalyń tuman bolǵanyn» aıtty. AZAL áýe kemesiniń komandıri eki ret qonýǵa tyrysyp, biraq áreketi sátsiz aıaqtalǵan. Ókildiń aıtýynsha, sodan keıin «ushaq komandırine basqa áýejaılarǵa qoný usynylǵan, biraq ol Aktaýǵa bet alýdy tańdaǵan».

“Sol kúngi jáne sol saǵattardaǵy Groznyı áýejaıy mańynda jaǵdaı óte qıyn boldy. Ýkraınanyń áskerı drondary sol ýaqytta Groznyı men Vladıkavkaz qalalaryndaǵy azamattyq ınfraqurylymǵa terorıstik shabýyldar jasaǵan. Osyǵan baılanysty Groznyı áýejaıy aımaǵynda barlyq áýe kemelerin bul keńistikten dereý shyǵarýdy qarastyratyn «Kover» rejımi engizildi”, – dedi Rosavıasıa basshysy Dmıtrıı Iadrov.

Eske salaıyq, 25 jeltoqsanda Aqtaý mańynda ushaq qulady. Osyǵan baılanysty TJM túsinikteme berdi. 

"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnıkasy bardy. Oqıǵa ornyna kelgen boıda áýe kemesi janyp jatty. Qutqarý bólimsheleri órtti sóndirýge kiristi", - dedi olar. 

Al ázerbaıjandyq BAQ-tyń habarlaýynsha, bortta 67 adam men 5 ekıpaj múshesi bolǵan.