رەسەي AZAL اۋە كومپانياسىنىڭ ۇشاعىنىڭ اپاتى ءۇشىن جاۋاپكەرشىلىكتى مويىنداۋدان باس تارتىپ، كىنانى ۋكرايناعا ارتتى، - دەپ حابارلايدى Dalanews.kz.

روساۆياسيا باسشىسى گروزنىي اۋەجايىندا اپات بولعان ساتتە «قالىڭ تۇمان بولعانىن» ايتتى. AZAL اۋە كەمەسىنىڭ كومانديرى ەكى رەت قونۋعا تىرىسىپ، ءبىراق ارەكەتى ءساتسىز اياقتالعان. وكىلدىڭ ايتۋىنشا، سودان كەيىن «ۇشاق كومانديرىنە باسقا اۋەجايلارعا قونۋ ۇسىنىلعان، ءبىراق ول اكتاۋعا بەت الۋدى تاڭداعان».

“سول كۇنگى جانە سول ساعاتتارداعى گروزنىي اۋەجايى ماڭىندا جاعداي وتە قيىن بولدى. ۋكراينانىڭ اسكەري دروندارى سول ۋاقىتتا گروزنىي مەن ۆلاديكاۆكاز قالالارىنداعى ازاماتتىق ينفراقۇرىلىمعا تەرروريستىك شابۋىلدار جاساعان. وسىعان بايلانىستى گروزنىي اۋەجايى ايماعىندا بارلىق اۋە كەمەلەرىن بۇل كەڭىستىكتەن دەرەۋ شىعارۋدى قاراستىراتىن «كوۆەر» رەجيمى ەنگىزىلدى”، – دەدى روساۆياسيا باسشىسى دميتريي يادروۆ.

ەسكە سالايىق، 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تۇسىنىكتەمە بەردى. 

"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جانە 11 بىرلىك تەحنيكاسى باردى. وقيعا ورنىنا كەلگەن بويدا اۋە كەمەسى جانىپ جاتتى. قۇتقارۋ بولىمشەلەرى ءورتتى سوندىرۋگە كىرىستى"، - دەدى ولار. 

ال ازەربايجاندىق باق-تىڭ حابارلاۋىنشا، بورتتا 67 ادام مەن 5 ەكيپاج مۇشەسى بولعان.