Ortalyq referendým komissiiasy Qazaqstan Respýblikasyndaǵy barlyq referendým ýchaskelerinde daýys berý aiaqtalǵanyn habarlaidy. Ýchaskelik komissiialar daýystardy sanaýǵa kiristi, dep habarlaidy Dalanews.kz.
Qoldanystaǵy zańdar normalaryna sáikes referendým ýchaskelerinde daýystardy sanaý ýaqyty daýystardy sanaý bastalǵan sátten bastap, 12 saǵattan aspaýy tiis.
Aýmaqtyq komissiialar Ortalyq referendým komissiiasyna elektrondyq bailanys arnalary arqyly daýys berý men esepteýdiń aldyn ala nátijeleri týraly málimetterdi usynady.
Ortalyq referendým komissiiasy habarlaidy:
Oblystardyń, respýblikalyq mańyzy bar qalalardyń jáne Astananyń aýmaqtyq komissiialary usynǵan derekterge sáikes, saǵat 20.00-degi jaǵdai boiynsha óńirlerdegi azamattardyń kelýi tómendegidei:
- Abai oblysy 75,45 %
- Aqmola oblysy 79,82 %
- Aqtóbe oblysy 87,05 %
- Almaty oblysy 71,46 %
- Atyraý oblysy 74,04 %
- Batys Qazaqstan oblysy 68,94 %
- Jambyl oblysy 85,06 %
- Jetisý oblysy 78,49 %
- Qaraǵandy oblysy 84,30 %
- Qostanai oblysy 81,21 %
- Qyzylorda oblysy 93,04 %
- Mańǵystaý oblysy 77,89 %
- Pavlodar oblysy 75,51 %
- Soltústik Qazaqstan oblysy 70,52 %
- Túrkistan oblysy 84,03 %
- Ulytaý oblysy 73,15 %
- Shyǵys Qazaqstan oblysy 86,42 %
- Astana qalasy 60,36 %
- Almaty qalasy 33,43 %
- Shymkent qalasy 75,82 %.
Saǵat 20.00-degi jaǵdai boiynsha 9 126 850 azamat biýlleten aldy. Ol tizimge engizilgen azamattardyń 73,24 % qurady.
Referendýmnyń aldyn ala qorytyndylary arnaiy habarlanatyn bolady. Onyń ýaqyty qosymsha habarlanady.
