Qazaqstanda traibalizm máselesi endi bilim berý salasyndaǵy jarnamaǵa da jetti. UBT-ǵa daiyndyq kýrsyn usynǵan oqý ortalyǵy ata-analarǵa úndeýinde birneshe rýdy ataǵan, dep habarlaidy dalanews.kz.
Jarnama "Qypshaq, Arǵyn, Naiman, Qońyrat, Kerei, Ýaq. Osy rýdaǵy ata-analar" dep bastalyp, olardan balasyna sapaly UBT kýrsyn izdep júrgen-júrmegeni suralǵan.
Ortalyq oqýshylardy barlyq pán boiynsha UBT-ǵa daiyndaitynyn, tańdaý pánderin aýystyrýǵa múmkindik bar ekenin jáne oqý onlain formatta ótetinin kórsetken. Kýrstyń ai saiynǵy aqysy 16 600 teńge ekeni aitylǵan.
Sondai-aq, jarnamada "95 paiyz oqýshyny grantqa túsirgen kýrs" degen aqparat berilgen.
Oqý ortalyǵy jarnamasynda rý ataýlary qoldanylýy áleýmettik jelide talqylanyp, "bilim berý qyzmetin usynýda traibalizm elementin paidalaný qanshalyq oryndy?" degen suraq týǵyzdy.
