Premer-ministr Oljas Bektenov singapýrlyq Changi Airport Group (CAG) kompaniiasynyń bas atqarýshy direktory Iam Kým Vengpen kezdesti, dep habarlaidy dalanews.kz.
Oljas Bektenov Astananyń áýejai infraqurylymyn damytý boiynsha keshendi jumystar júrgizilip jatqanyn, sonyń ishinde ekinshi áýejaidyń qurylysy salynyp jatqanyn atap ótti. Osyǵan orai, Qazaqstan men Singapýr arasyndaǵy naqty ózara is-qimyldy keńeitý úshin eleýli áleýet baryna nazar aýdaryldy. Kompaniianyń halyqaralyq tájiribesi men tehnologiialyq saraptamasyn Qazaqstannyń aviatsiia infraqurylymyn damytýǵa tartý qajet ekenine kóńil bólindi.
Changi Airport Group Singapýrdaǵy Changi halyqaralyq áýejaiy men Seletar áýejaiyn basqarady. Changi Airports International enshiles qurylymy arqyly álemniń 20-dan asa elindegi 60-tan asa áýejaida áýejai infraqurylymyn damytý, basqarý jáne bas josparlaý jobalaryna qatysady.
Iam Kým Veng Changi Airport Group kompaniiasy Qazaqstanmen yntymaqtastyqty odan ári tereńdetýge múddeli ekenin bildirdi. Singapýrlyq kompaniianyń basshysy Astana qalasynyń Eýropa men Aziia arasyndaǵy kópir retindegi zor áleýetin atap ótip, elordada jańa áýejaidy óńirlik hab jáne óńirlik ortalyq retinde salý jobasyn júzege asyrý barysynda kompaniianyń áýejai salasyndaǵy saraptamasy, bilimi men tájiribesin usynýǵa daiyn ekenin aitty.
