Quryltai ǵimaratynda jýrnalisterdiń depýtattarmen jumys isteý tártibine ózgeris engizildi. Endi BAQ ókilderi depýtattarǵa suraqtardy tek arnaiy baspasóz ortalyǵynda ǵana qoia alady, dep habarlaidy dalanews.kz.
Jańa erejege sáikes, zań shyǵarýshy organ ǵimaratyndaǵy dástúrli kýlýarlyq suhbattar ótkizilmeidi.
Kýlýarlar jýrnalister úshin mańyzdy quraldardyń biri sanalady. Óitkeni olar depýtattarmen resmi formattan tys tikelei sóilesýge múmkindik beredi. BAQ ókilderi otyrys bastalar aldynda nemese aiaqtalǵannan keiin depýtattarǵa jedel suraq qoiyp, aitylǵan pikirlerdi naqtylap, resmi kún tártibine enbegen máseleler boiynsha kózqarasyn bile alady.
Sondai-aq dál kýlýarlarda qoǵamda qyzý talqylanyp jatqan ózekti ári kúrdeli taqyryptarǵa qatysty pikirler jii aitylatyn. Mundai format depýtattar men jýrnalister arasyndaǵy jedel bailanysty qamtamasyz etip, qoǵamdy tolǵandyrǵan máseleler boiynsha qosymsha aqparat alýǵa múmkindik beretin.
Endi depýtattarmen suhbattasý jáne suraq qoiý jumystary tek Quryltaidyń baspasóz ortalyǵynda uiymdastyrylatyn bolady. Jańa tártiptiń jýrnalisterdiń aqparat alý múmkindigine qalai áser etetini ázirge belgisiz.
