Bul SSSR-dyń ydyraý aldyndaǵy qiyn kezeńder edi. Aqsha kóz aldymyzda qunsyzdanyp, arty giperinfliatsiiaǵa ushyrady. Dúkenderde kiim-keshek bylai tursyn, azyq-túliktiń ózi tapshy edi.
Poselkeniń ereksheligi - halqy negizinen LPDS (Samaraǵa aidalatyn munaidy qyzdyrý peshi), temir jolǵa qarasty mekemelerden turdy. Bulardyń árqaisysynyń óz dúkenderi bar, tizimmen solar kelgen azyq-túlikti bólip berip otyrady.
Odan bólek úshinshi top bar - olar kóbine jan-jaqtaǵy sovhozdardan pensiiaǵa shyǵyp, endi otyn-sýy bar poselkege kelip ornyqqan shopandar, mehanizator, muǵalim, dáriger, klýb meńgerýshisi, kitaphanashy, t.s.s., bir sózben aitqanda tóraǵaǵa qarasty birqaýym halyq. Bularda dúken joq, eshqaidan taýar kelmeidi, sondyqtan joǵarydaǵy dúkeni barlardan keide kúshpen, keide aldap-sýlap, joǵarydaǵy bastyqtarymen ymyraǵa kelip degendei... qamtylyp otyratyn.
Bir sózben aitqanda, biz osy jumystarmen táńerteńnen keshke sheiin ainalysýmen boldyq. Jaǵdaiy qiyn, kúneltisi tómen talailardyń saýabyn da aldyq.
...
Jaraidy, endi negizgi aitpaq oiymyzǵa keleiik.
Qazir Ońtústikten Qurmet Talapqazy degen balamyz Mańǵystaý úshin dep shóp shaýyp, endi ony vagonmen jetkizýdi uiymdastyryp jatyr eken.
Aqtóbe oblysynan da Mańǵystaý úshin tegin shóp kelgeli jatyr deidi.
Aitalyq, Mańǵystaý aýdanynyń ortalyǵy Shetpege 5 vagon shóp keldi delik. Muny burynǵy 7 sovhoz, 2 poselke (bireýi Shetpeniń ózi), barlyǵy 9 aýylǵa teńdei etip kim bólip beredi?
Járaidy, bólip berdi delik.
Saiótes poselkesi ózine bólingen 5 mashina shóbin tasyp aldy delik (kim tasidy - kóliktiń bári jekege ótip ketken, burynǵydai ATP degender joq?). Endi aýylǵa kelgen shópti bólý kerek. Bireýdiń úiir-úiir jylqysy, otar-otar qoiy, siyr-túiesi bar, ekinshisinde onshaqty jandyq qana bar.
Taǵy da kúshtiler men pysyqtar alǵa túsip, álsizder shettep qalmai ma?
Qurmet balamyz sonsha eńbektengende sol eńbegin aqyrynda onsyz da aqshasy jetkilikti bireý paidalanyp ketse, bar shópti optom satyp alsa ádildik qaida qalady?
Sonda ol ne úshin jumystandy? Jái tek, osyndai jumystardan habarym bolǵandyqtan aityp jatqanym, áitpese meniń aqylym kimge kerek, pensiiada jatqan bir shal...
Qýanysh Edilhanteginiń jazbasy
