Turlyhanov muny urpaqty azdyratyn qural ekenin aitty.
"Bul da jańbyrdan keiingi sańyraýqulaqtai kóbeiip, óskeleń urpaqty azdyryp barady. Búginde arnaiy kóńil kóteretin, tamaqtanatyn oryndardy qoiyp, jastar kólikke salyp alyp qorqorlatatyn jaǵdaiǵa jetti.
Al kaliannyń quramynda ne bar ekeni, ne qosyp jatqany múldem belgisiz. Oǵan temekiden bólek túrli aromatizatorlar, masaitatyn zattar qosylatyny jasyryn emes. Oǵan gashish te, araq ta, koniak ta qosýy ábden múmkin. Ony qadaǵalap jatqan bir jan joq! Sonyń saldarynan búginde otbasymyzben qoǵamdyq jerge baryp tamaq ishý múmkin bolmai qaldy. Ainalamyz kók tútin, onyń zańsyz ekenin eskerip jatqan kásipker joq. Bul - dabyl qaǵarlyq jaǵdai!" - deidi ol.
Depýtat kaliandy qoǵamdyq oryndarda qoldanýǵa zań júzinde tyiym bar ekenin, alaida bul norma oryndalmai otyrǵanyn jetkizdi.
"Kalian taratýshylar tek ózderiniń ǵana emes, qasyndaǵy adamdardyń da densaýlyqtaryna ziianyn tigizip otyr. Qoǵamdyq oryndarǵa tynyǵýǵa barǵan adamdar eriksiz kórshi ústelde kalian shegýshilerdiń tútinimen tynystaýǵa májbúr. Buǵan eskertý jasap, shaǵym aitsańyz, kóp bolsa, kalian shegýshige ákimshilik shara qoldanylyp, aiyppul salynýy múmkin. Onyń kólemi nebári 15 ailyq eseptik kórsetkish mólsherindegi soma ǵana. Al osyny usynyp otyrǵan kásipkerge eshnárse de bolmaidy.
...Sondyqtan qoǵamdy kaliannan aryltyp, oǵan múldem tyiym salý qajet dep esepteimin", - dedi ol.
Sýret: ©wrestling.kz
