Búgin Soltsútik Qazaqstan oblysy ákimi Qumar Aqsaqalov Taıynsha aýdanyna qarasty Qaraǵash aýylynyń turǵyndarymen kezdesip, aýyl halqynyń áleýmettik jaǵdaıymen tanysty, – dep habarlaıdy Dalanews.kz SQO ákiminiń baspasóz qyzmetine silteme jasap.

Oblys basshysy Qaraǵash aýylynyń turǵyndarymen kezdesýinde ózekti máselelerdi birlesip talqylady. Óz kezeginde Qumar Aqsaqalov aýyldyń  kireberis jolyn, sý taratý jelilerin jóndeýden ótkizýge ýáde berdi.

Júzdesýde oblys ákimi aýyldy damytýǵa barynsha úles qosyp júrgen fermer Sergeı Zvolskıı alǵysyn bildirdi.

Sergeı Zvolskıı jetekshilik jasaıtyn «Astyq STEM» JSHS Qaraǵashta 15 aýyl turǵynyn jumyspen qamtamasyz etetin sút fermasyn salýda. Seriktestiktiń aýdanda 5 kókónis qoımasy bar. Sharýashylyqta tamshylatyp sýarý ádisi qoldanylyp, shyǵymdylyq birneshe ese ósýde. Bıyl bir gektardan 80 tonna sábiz, 35 tonna kartop jınaldy. Bir maýsymda 80 adam kókónis ósirýmen aınalysady.



Aýdanda Taıynsha men Vıshnevkada eki mektep salynýda. Sonymen qatar, qaladaǵy «Bereke» yqshamaýdanynda mektep-ınternatynyń qurylysy bastaldy. Aldaǵy jyldary oblysta barlyǵy 6 mektep salynady.