وبلىس باسشىسى قاراعاش اۋىلىنىڭ تۇرعىندارىمەن كەزدەسۋىندە وزەكتى ماسەلەلەردى بىرلەسىپ تالقىلادى. ءوز كەزەگىندە قۇمار اقساقالوۆ اۋىلدىڭ كىرەبەرىس جولىن، سۋ تاراتۋ جەلىلەرىن جوندەۋدەن وتكىزۋگە ۋادە بەردى.
جۇزدەسۋدە وبلىس اكىمى اۋىلدى دامىتۋعا بارىنشا ۇلەس قوسىپ جۇرگەن فەرمەر سەرگەي زۆولسكيي العىسىن ءبىلدىردى.
سەرگەي زۆولسكيي جەتەكشىلىك جاسايتىن «استىق ستەم» ج ش س قاراعاشتا 15 اۋىل تۇرعىنىن جۇمىسپەن قامتاماسىز ەتەتىن ءسۇت فەرماسىن سالۋدا. سەرىكتەستىكتىڭ اۋداندا 5 كوكونىس قويماسى بار. شارۋاشىلىقتا تامشىلاتىپ سۋارۋ ءادىسى قولدانىلىپ، شىعىمدىلىق بىرنەشە ەسە وسۋدە. بيىل ءبىر گەكتاردان 80 توننا ءسابىز، 35 توننا كارتوپ جينالدى. ءبىر ماۋسىمدا 80 ادام كوكونىس وسىرۋمەن اينالىسادى.
اۋداندا تايىنشا مەن ۆيشنيەۆكادا ەكى مەكتەپ سالىنۋدا. سونىمەن قاتار، قالاداعى «بەرەكە» ىقشاماۋدانىندا مەكتەپ-ينتەرناتىنىڭ قۇرىلىسى باستالدى. الداعى جىلدارى وبلىستا بارلىعى 6 مەكتەپ سالىنادى.
