Atyraý oblysy Qulsary qalasynda sý tasqyny kezinde joǵalǵan ákesi men uly áli de izdestirilip jatyr, - dep habarlaidy Dalanews.kz.
Atyraý oblystyq TJD málimetinshe, 6 sáýirde saǵat 17:52-de Qulsary qalasy 4-shaǵynaýdan Avtodorojnik kóshesi Grand Hall meiramhanasynyń qasynda ornalasqan sý basqan úiin qaraýǵa 1976 jyly týǵan azamat pen onyń 2000 jyly týǵan uly barǵany, alaida olardyń sol ýaqyttan beri habarsyz ketkeni jóninde habarlama túsken.
Habarlama túsken boida qutsharýshylar meken-jaiǵa barǵan. Úidiń esigi penamen bekitilgeni anyqtalǵan.
"Bul shaqyrtý boiynsha 6 sáýirde saǵat 20:57-de qutqarýshylar, 5 qaiyq, 1 tehnika (trekol) jumyldyrylyp, táýlik boiy izdedi. Qazirgi tańda izdestirý jumystaryna qutqarýshylar, 5 júzý quraly jáne 1 tehnika (trekol) jumyldyryldy. Izdeý jalǵasyp jatyr", - dep jazylǵan habarlamada.
Vedomstvo málimetinshe, Qulsary qalasynda 6 sáýirde sý basý saldarynan shaqyrtýlar kóp túsken.
Jylyoi aýdanynda tótenshe jaǵdai jariialanǵan ýaqyttan 7 sáýirge deiin 26 467 turǵyn, onyń ishinde 5976 bala evakýatsiialanǵan.
