Májilis depýtaty Ermurat Bapi Halyk Bank-ten "ALMEKS" Holdingtik toby" AQ paidasyna 200 milliard teńge dividend tóleý Timýr Qulybaev pen onyń áieli ári eks-prezident Nursultan Nazarbaevtyń qyzy Dinara Qulybaeva úshin Qazaqstannan aktiv shyǵarýdyń bir tásili bolýy múmkin ekenin aitty. Sonymen qatar, ol qazirdiń ózinde tiisti organdar milliardermen ainalysyp jatqanyn málimdedi, - dep habarlaidy Dalanews.kz.
"Durys aitasyz (Qulybaev Qazaqstannan dividendter túrinde 200 milliard teńgege jýyq aktiv shyǵarýy múmkin ekenin - esk). Jalpy "Halyq bank" máselesi memlekettik deńgeide sheshilýi kerek dep oilaimyn. ... Sondyqtan, meniń oiymsha, "Halyq bank" aktivterdi qaitarý týraly zań negizinde tekseristen ótýi kerek.
Mende qazir tiisti organdar Timýr Qulybaevqa qatysty jasyryn tekseris júrgizip jatqany týraly aqparat bar. Qudai qalasa, bul organdar osy isti sońyna deiin jetkizedi dep oilaimyn. Sol kezde bilemiz", - dedi Bapi QazTAG-qa Májilis kýlýarynda.
Onyń paiymdaýynsha, "Halyq bank" dividendter tóleý týraly habarlamany jariialaǵan ýaqyt beker tańdalmaǵan.
"Elde sý tasqyny bolyp jatqan kezde kóp qarajat qalpyna keltirýge, shyǵyndarǵa, úiler salýǵa ketedi. Sarapshylardyń keibir esepteýleri boiynsha shamamen 700-800 milliard teńge ketedi. Shamamen. Al sondai sátte "ALMEKS" tobynan eki adam elden shamamen 200 milliard teńge shyǵarady. ...Bul ádeii jasalyp jatqan siiaqty", - dedi ol.
Depýtat bul kek máselesi ekenin de aitty.
"Bul - Eski Qazaqstannyń ádisi, qalai bolsa da Jańa Qazaqstannan kek alý. Prezident Toqaevtyń saiasatyna qaishy kelip, tótenshe jaǵdai, sý tasqyny, daǵdarys kezinde "bizge ne istei alasyń?" degendei. Bárine jariia etip. Osyǵan bailanysty olardyń ielerin jazalaý kerek dep oilaimyn", - dedi Bapi.
Aita keteiik, buǵan deiin Halyk Bank 277 milliard teńgeden asa dividend tóleýge sheshim qabyldaǵan edi. Onyń shamamen 193 milliard teńgesin Timýr Qulybaev pen onyń jubaiy – eks-prezident Nursultan Nazarbaevtyń qyzy Dinara Qulybaeva basqaratyn “ALMEX Holding Group” AQ alady.
2024 jylǵy 1 sáýirdegi jaǵdai boiynsha Halyq bankiniń jai aktsiialarynyń 69,52 paiyzy "ALMEKS" holdingtik tobyna tiesili. Osylaisha Qulybaevtar kompaniiasy 192,8 milliard teńge dividend alady.
