Almaty oblysynda 15 jyl buryn jeke paıdalanýǵa berilgen qundy jer ýchaskeleri memlekettik menshikke qaıtaryldy. Bul týraly Almaty oblysynyń prokýratýrasy málimdedi, dep habarlaıdy Dalanews.kz.
Keıingi úsh jylda memleketke jalpy somasy 6,1 mlrd teńgege 83 myń gektar jer qaıtarylǵan. Onyń ishinde quny 1,6 mlrd teńge bolatyn 21 myń gektar jer burynǵy joǵary laýazymdy sheneýnikterdiń, olardyń týystarynyń, sondaı-aq, Forbes tizimine kiretin adamdardyń menshiginde bolǵan.
"Prokýratýranyń talap-aryzy boıynsha 2025 jyly mamyrda Qulybaevtar otbasyna tıesili Qapshaǵaı jaǵalaýyndaǵy jer ýchaskesi memleketke qaıtaryldy", - dep jazylǵan habarlamada.
Sol sıaqty depýtattar kórsetken taǵy 9 gektar jaǵalaý aýmaǵy qaıtarylǵan.
