Eljas Otynshiev "Qazaqstan temir joly" ulttyq kompaniiasynyń basqarma tóraǵasy bolyp taǵaiyndaldy, dep habarlaidy dalanews.kz.
"Samuryq-Qazyna" AQ basqarmasynyń sheshimimen Eljas Muratuly Otynshiev "Qazaqstan temir joly" UK" AQ basqarma tóraǵasy qyzmetine taǵaiyndaldy", – delingen habarlamada.
Eljas Otynshiev Máskeý fizika-tehnikalyq institýtynda "Jalpy jáne qoldanbaly fizika" mamandyǵy boiynsha bakalavriat pen magistratýrany támamdaǵan.
Eńbek jolyn 2007 jyly Ernst & Young kompaniiasynyń Máskeýdegi keńsesinde biznesti baǵalaý jáne mámilelerdi súiemeldeý departamentiniń konsýltanty bolyp bastaǵan.
2009-2019 jyldary "Samuryq-Qazyna" AQ-da jáne onyń enshiles kompaniialarynda jumys istedi.
2021-2023 jyldary KIDF kompaniiasynda basshylyq qyzmetter atqaryp, investitsiialyq portfeldi basqarýǵa jetekshilik etti.
2023 jylǵy sáýirden bastap osy ýaqytqa deiin "Samuryq-Qazyna" AQ-nyń strategiia jáne aktivterdi basqarý jónindegi basqarýshy direktory ári basqarma múshesi qyzmetin atqardy.
Bul laýazymda qordyń munai-gaz, temirjol, taý-ken óndirisi jáne basqa da salalardaǵy portfeldik kompaniialaryn basqarýǵa jaýapty boldy.
2024 jylǵy aqpannan bastap "Qazaqstan temir joly" UK" AQ direktorlar keńesiniń múshesi bolǵan.
2023 jyly Qazaqstan Respýblikasynyń memlekettik nagradasy – "Eren eńbegi úshin" medalimen marapattalǵan.
