QTJ-nyń enshilesi men Qojamjarov kompaniiasynyń «sybailas kelisimi» Aqordadan jetken hattan soń áshkere bolǵan, dep habarlaidy Dalanews.kz Nege.Aqsha-ǵa siltep.
Ótken aptada Básekelestikti qorǵaý agenttigi «Qazaqstan temir joly – Júk tasymaly» kompaniiasy men mailaý materialdaryn jetkizýshi HILL arasynda básekelestikke qarsy kelisim jasalǵanyn anyqtady. HILL kompaniiasy tanymal biznesmen Dýlat Qojamjarovqa tiesili.
Bul istiń tergelýine Aqordadan jiberilgen materialdar túrtki bolǵan.
«Tergeýdiń bastalýyna Qazaqstan Respýblikasy Prezidenti Ákimshiliginen 2023 jyldyń 11 naýryzynda kelip túsken materialdar negiz boldy. Atalǵan materialdarda básekelestikti qorǵaý zańnamasyn buzý belgileri anyq kórsetilgen. Atap aitqanda, QTJ JT kompaniiasy balama jetkizýshilerge diskriminatsiialyq tásilderdi qoldaný arqyly, HILL kompaniiasynyń paidasyna mailaý materialdary naryǵyndaǵy básekelestikti shekteitin jaǵdailar jasaǵan», – delingen redaktsiia qolyndaǵy resmi qujatta.
2021 jyldan 2023 jylǵa deiin QTJ JT men HILL arasynda jalpy quny 17,2 mlrd teńgege 13 kelisimshart jasalǵan. Onyń altaýy bir kózden satyp alý ádisimen júzege asyrylǵan.
Tergeý nátijesinde QTJ JT kompaniiasynyń Dýlat Qojamjarovtyń biznesin lobbilep, basqa óndirýshilerdiń, atap aitqanda, «Lýkoil Lýbrikants Tsentralnaia Aziia» jáne Evooil sekildi kompaniialardyń naryqqa kirýine kedergi jasaǵany rastaldy.
Mysaly, QTJ JT kompaniiasy «Lokomotiv qurastyrý zaýyty» AQ-na arnaiy hat joldap, zaýytqa HILL kompaniiasynyń motor maiyn satyp alýdy usynǵan. Al oǵan deiin zaýyt «Lýkoil M-14D2» maiyn qoldanyp kelgen edi. Hat joldaýǵa negiz retinde HILL kompaniiasynyń QTJ JT kompaniiasynan mai jetkizý týraly kelisim jasaýǵa kómektesýdi surap jazǵan ótinishi alynǵan. Alaida bul ótinishtiń negizsiz ekeni dáleldendi. Sebebi teplovoz óndirýshi Wabtec Corporation atalǵan mai túrlerin aralastyryp paidalanýǵa ruqsat bergen.
«Óz kezeginde, HILL kompaniiasynyń «Lokomotiv qurastyrý zaýytymen» mai jetkizý týraly kelisim jasaýǵa kómektesýin surap, QTJ JT-ǵa júginýi jáne osy ótinish negizinde QTJ JT tarapynan hat joldanýy – HILL múddesiniń qoldaý tapqanyn kórsetedi», – delingen resmi qujatta.
Sonymen qatar QTJ JT satyp alý protsedýralaryn da jii ózgertip, HILL kompaniiasyna qolaily jaǵdai jasap otyrǵan.
«QTJ JT men HILL kompaniiasy arasyndaǵy básekelestikke qarsy kelisimnen memleketke kelgen shyǵynnyń boljamdy mólsheri – 2,3 mlrd teńge», – dep kórsetilgen qujatta.
Qojamjarovtyń kompaniiasy QTJ-nyń enshiles kompaniiasy sheshimderdi derbes qabyldaǵanyn alǵa tartyp, tergeý qorytyndylaryna qarsylyq bildirgenimen, sot Básekelestikti qorǵaý agenttiginiń áreketterinen eshqandai zańbuzýshylyq tappaǵan.
Dýlat Qojamjarov – burynǵy Bas prokýror jáne senator Qairat Qojamjarovtyń týǵan inisi. Forbes Kazakhstan jýrnaly onyń bailyǵyn 110 mln dollarǵa baǵalap, eldegi eń bai biznesmender tiziminde 57-orynǵa jaiǵastyrǵan.
