Qostanaiǵa kelgennen keiin kandidatty vokzalda plakattarmen ári urandarmen óńirlik sailaýaldy shtabtyń ókilderi men eriktiler jyly qarsy aldy.
Úmitker alǵash barǵan oryndardyń biri – Ahmet Baitursynuly at. Qostanai óńirlik ýniversiteti boldy. Stýdentter jáne oqytýshylarmen kezdesý barysynda jas mamandardy jumysqa ornalastyrý, jalaqy jáne ony indeksteý máseleleri kóterildi.
"Árine, biz árqashan jastardyń jumysy men jaqsy jalaqysy bolǵanyn qalaimyz. Alaida mundai másele tek bir jyl ishinde tez sheshile qoimaidy. Sebebi ol, búgingi tańda, jyldar boiy qordalanyp qalǵan, ózekti máselelerdiń birine ainalǵan. Barlyǵy eń tómengi jalaqy mólsherinen bastalady (ETJ), iaǵni bul atalǵan problemanyń negizi bolyp otyr.
Biylǵy jyly bul kórsetkish 60 myń teńgeni qurady. 2023 jyldyń 1 qańtarynan bastap ol 70 myń teńgeni quraityn bolady.
Bizdiń oiymyzsha, ol 70 myń emes, 150 myń teńgeden astam bolýy kerek.
Damyǵan elderde jalaqynyń eń tómengi mólsheri 717 myń teńgeni qurap otyr, iaǵni kórgenderińizdei aiyrmashylyq 10 ese", - dedi kandidat. Sonymen qatar úmitker laiyqty ómir laiyqty jalaqydan bastalatynyn atap ótti.
Kezdesý qorytyndysy boiynsha Meiram Qajyken Ahmet Baitursynov eskertkishine gúl shoqtaryn qoidy. Qazaq halqynyń kórnekti memleket, saiasi jáne qoǵam qairatkerine eskertkish 2000 jyly ashylǵan.
Eskertkishtiń avtory – belgili qazaqstandyq músinshi, Memlekettik syilyqtyń laýreaty, QazKSR eńbek sińirgen óner qairatkeri Tólegen Sábituly Dosmaǵambetov.
Anyqtama úshin:
Eskertkishtiń avtory – belgili qazaqstandyq músinshi, Memlekettik syilyqtyń laýreaty, QazKSR eńbek sińirgen óner qairatkeri Tólegen Dosmaǵambetov.
2022 jyldyń 5-shi qyrkúieginde aqyn, ádebiettanýshy ǵalym, túrkitanýshy, pedagog, qoǵam qairatkeri, qazaq ulttyq jazý óneriniń reformatory, ult-azattyq qozǵalys kóshbasshylarynyń biri, qazaq til bilimi men ádebiettaný ǵylymdarynyń negizin qalaýshy ǵalym – A. Baitursynovtyń týǵanyna 150 jyl toldy.
Ol 1872 jyly 5 qyrkúiekte Qostanai oblysy Jangeldin aýdany Sarytúbek aýylynda dúniege kelgen.
