Qostanaıdyń eks-ákiminiń meıramhanasy birneshe jyldan beri aýksıonda satylmaı tur, - dep habarlaıdy Dalanews.kz.
Qostanaıdyń burynǵy ákimi Ahmedbek Ahmetjanovtyń meıramhana kesheni qaıtadan satylymǵa shyǵaryldy. Aýksıon týraly habarlandyrý elektron saýda alańynda paıda boldy. Aýdany 1558,4 sharshy metr ǵımarat 307 397 500 teńge baǵamen aýksıonǵa shyǵaryldy.
Elektron saýda alańy saıtynda kórsetilgen aqparat boıynsha, saýda 2024 jyldyń 13 qarashasynda saǵat 10:00-ge josparlanǵan. Saýda-sattyqqa qatysýshylar úshin kepildik jarna 92 219 250 teńge bolady. Aqparat boıynsha, bir qatysýshyǵa da satýǵa ruqsat etilgeni kórsetilgen.
Nysan Qostanaı oblysynda Ekaterınbýrg – Almaty tasjoly boıynda ornalasqan. Ǵımarat 2014 jyly 0,1916 gektar jer teliminde salynǵan.
Bıylǵy mamyrda múliktiń smetalyq quny 614 795 000 teńge boldy. Qazir ǵımarat aýksıonǵa shyǵarylyp, quny eki esege jýyq tómendegen.
Habarlandyrý boıynsha, ǵımarat "Qostanaı oblysy ákimdiginiń kásipkerlik jáne ındýstrıaldy-ınnovasıalyq damý basqarmasy" memlekettik mekemesiniń balansynda.
Foto gosreestr.kz
Aıta keteıik, Qostanaıdyń burynǵy ákimine tıesili "Altyn-Saf" meıramhana kesheni 2016 jyly bastapqy baǵasy 429 mıllıon 428 myń teńgeden satylymǵa shyǵarylǵan bolatyn. Biraq múlik ıesin tappady.
2023 jyldyń qarasha aıynda ǵımarat bastapqy baǵasy 805 529 000 teńgemen qaıtadan aýksıonǵa shyǵaryldy. Aýksıon taǵy sátsiz ótti.
Eske salaıyq, Ahmetbek Ahmetjanovqa qatysty qozǵalǵan qylmystyq is aıasynda Qostanaı qalasynyń eks-ákiminen meıramhana kesheniniń ǵımaraty tárkilengen. 2016 jyldyń sáýirinde Qostanaıdyń burynǵy ákimi Ahmedbek Ahmetjanov 13 jylǵa sottaldy.
