Qostanaida politsiia eki sheteldik dropperdi ustaý operatsiiasyn júrgizdi, dep habarlaidy Dalanews.kz.
IIM málimetinshe, shilde aiynan bastap Qazaqstanǵa kelgen 30 jastaǵy kórshiles eldiń azamaty Aqtóbe, Atyraý jáne Aqtaý qalalarynda alaiaqtar jymqyrǵan iri kólemdegi aqshany qolma-qol aqshaǵa ainaldyryp otyrǵan. Keiin ol aqshany Telegram arqyly "kýratorlar" jibergen bank kartalaryna aýdarǵan.
“Onyń 21 jastaǵy kómekshisi óziniń qylmystyq áreketin sybailasynan tájiribe jinaý arqyly bastaǵan. Ekeýi de qarajatty qolma-qol aqshaǵa ainaldyrý kezinde ustaldy. Jeke tintý barysynda olardyń jaldamaly páterinde politsiia qyzmetkerleri úshinshi tulǵalardyń telefondary men bank kartalaryn tárkiledi”, - delingen málimette.
Ustalǵandardyń birneshe alaiaqtyq faktisine qatysy bar ekeni anyqtaldy. Politseiler tergeýdi jalǵastyryp jatyr.
