Qostanaı oblysynda sý tasqynynan zardap shekkenderge ótemaqy tóleý bastaldy, – dep habarlaıdy Dalanews.kz.

Búgin jalpy sommasy 18 mıllıon teńgeni quraıtyn kómekke turǵyndar qol jetkizdi. Óńirde sý tasqyny saldaryn joıý jumystary qarqyndy júrip jatyr.  

Qostanaı oblysyndaǵy 3 aýdannyń aýmaǵyndaǵy sý tasqynynan keltirilgen zalaldy baǵalaý jónindegi komısıa óz jumysyn bastaǵanyn aıta ketýimiz kerek. Olar – Amangeldi, Jangeldi jáne Arqalyq qalasy.

Oblys ákimi jedel kómek kórsetý, barlyq múmkin resýrstardy tartý boıynsha naqty tapsyrmalar bergen.

– Úıge jarty saǵatqa sý kirse de, bul otbasylar zardap shekti. Eshkim memlekettiń kómeginsiz qalmaýy tıis,  – dep atap ótti oblys ákimi Qumar Aqsaqalov.

29 naýryzdan bastap tótenshe jaǵdaı rejımi jarıalanǵannan keıin Qostanaı oblysynda sý tasqynynan zardap shekkenderge alǵashqy tólemder tólene bastaldy. Sý tasqynynan zardap shekken otbasynyń árbir múshesine 100 myń teńgeden ótemaqy ala alady. Shamamen bir otbasyna orta eseppen 500-600 myń teńge bólinedi.

Bul tólemder turǵyn úıdi jalǵa alý, azyq-túlik, kıim-keshek satyp alý syndy negizgi qajettilikterge jumsaý kózdelgen.

Birinshi kezektegi tólemderden basqa ataýly áleýmettik kómek, sondaı-aq jyljymaly, jyljymaıtyn múlik pen maldy qalpyna keltirýge qarajat qarastyrylǵan.