Almaty qalasynda memleket paidasyna tárkileýge jatatyn múlikti iemdený maqsatynda «Jyljymaityn múliktiń biryńǵai memlekettik kadastry» aqparattyq júiesine jalǵan málimetter engizýdi uiymdastyrǵan adamdar tobyna qatysty sot úkimi shyqty, dep habarlaidy Dalanews.kz
Eske salsaq, buǵan deiin Qarjylyq monitoring agenttigi Kospaevtyń basshylyǵymen áreket etken uiymdasqan qylmystyq topqa qatysty tergeýdi aiaqtaǵan. Atalǵan top «AV-Construction» JShS, «Stekolnyi zavod» JShS, «Shalqar 17» JShS, «Bahar-A» JShS jáne basqa da kásiporyndardy reiderlik jolmen basyp alý faktileri boiynsha áshkerelengen.
Sottyń sheshimimen tárkileý maqsatynda Almaty qalasyndaǵy «Nikolskii» bazary aýmaǵynda ornalasqan «Nikolsky Investment» JShS-ne tiesili jer telimi men múlkine tyiym salynǵan.
Alaida 2025 jyldyń qyrkúiek aiynda Aslan Pýhaev, Anton Soloviov pen Jaqsylyq Sársenbaev «Azamattarǵa arnalǵan úkimet» memlekettik korporatsiiasynyń aqparattyq júiesine jalǵan málimetter engizý arqyly atalǵan tyiymdy zańsyz alyp tastaýdy uiymdastyrǵan.
Keiinnen jalpy quny 2,2 mlrd teńge bolatyn múlik pen jer telimin ári qarai satý maqsatynda jalǵan tulǵalardyń atyna qaita rásimdelgen.
Sot kinálilerge 6 jyl 6 ai merzimge bas bostandyǵynan aiyrý jazasyn taǵaiyndady.
Úkim zańdy kúshine endi. Múlik memleket menshigine qaitaryldy.
Qarjylyq monitoring agenttigi memlekettik aqparattyq júielerge zańsyz aralasýǵa bailanysty quqyqqa qaishy áreketter úshin jazanyń bultartpastyǵyn eskertedi.
