Májiliste depýtat Rinat Zaiytov zań jobasyn resmi tilde tanystarǵan ministrlerdiń orynbasarlaryna shúilikti, - dep habarlaidy Dalanews.kz.
Májiliste ulttyq ekonomika vitse-ministri Azamat Ámrin, qarjy vitse-ministri Erjan Birjanov Salyq kodeksiniń jobasyn jáne salyq salý máseleleri boiynsha ilespe túzetýler qujatyn orys tilinde túsindirdi.
Artynsha Rinat Zaiytov olardy qazaq tilin qorlamaýǵa shaqyrdy.
"Prezidet Qasym-Jomart Toqaev Assambleia sessiiasynda "Árkimniń patriottyq deńgeii memlekettik tilge degen qurmetimen ólshenedi" dep anyq aitqan. Bálkim, Evgenii Kochetovqa, Roman Vasilevich Skliarǵa, tipti Rinat Rifhatuly Zaiytovqa da keshiriletin shyǵar. Biraq atasynyń aty – Ámire, óziniń aty – Azamat, ákesiniń aty – Birjan, óziniń aty – Erjan degen azamattarǵa myna jerge kelip shúldirlep turǵan jaraspaidy. Basynda 2 sóilem, sońynda 2 sóilem qazaqsha aityp, ótirik músirkep, memlekettik tilimizdi qorlamaýǵa shaqyramyn", – dedi depýtat.
Vitse-ministr Erjan Birjanov zań jobasyn birneshe márte qazaqsha túsindirgenin málimdedi.
"Erkertýińizdi túsindik. Men eki tilde birdei aita alamyn. Salyq kodeksi bolǵandyqtan keibir spetsifikalyq terminder bar. Sondyqtan oryssha aittyq", – dedi ol.
