Qorǵanys mınıstrligi tikushaq apatynyń sebebin atady, - dep habarlaıdy Dalanews.kz.
Vedomstvo málimetinshe, 9 qarashada Aqtóbe oblysy Saryjar aýylynyń mańynda Áýe qorǵanysy kúshteri áskerı ınstıtýtynyń Mı-8 tikushaǵy oqý-jattyǵý ushýlaryn oryndaý kezinde apat jaǵdaıynda qonǵan.
Bortta bolǵan 3 ekıpaj múshesiniń 2-eýi aýrýhanaǵa jetkizildi. Olarǵa qajet medısınalyq kómek kórsetildi. Ekıpaj músheleriniń biri qaza tapty.
"Avıasıalyq oqıǵanyń aldyn-ala sebebi - tehnıkalyq aqaýlyq. Oqıǵanyń mán-jaıy anyqtalyp jatyr. Jergilikti jerde vedomstvoaralyq jedel top jumys istep jatyr", - dep jazylǵan habarlamada.
Qarýly kúshterdiń basshylyǵy men Áýe qorǵanysy kúshteriniń qolbasshylyǵy qaza tapqan áskerı qyzmetshiniń týystary men jaqyndaryna kóńil aıtady. Onyń týystaryna, sondaı-aq, zardap shekkenderge barlyq qajet kómek kórsetiledi.
