Gvardeisk garnizonynda Qorǵanys ministriniń tárbie jáne ideologiialyq jumys jónindegi orynbasary general-maior Asqar Mustabekovtyń jetekshiligimen «Ońtústik» jáne «Shyǵys» óńirlik qolbasshylyqtarynyń áskeri bólimderi komandirleriniń tárbie jumysy jónindegi orynbasarlarymen oqý-ádistemelik jiyn ótti, dep habarlaidy Dalanews.kz
Is-sharany ashqan Qorǵanys ministriniń orynbasary tárbielik jumysty uiymdastyrýǵa qoiylatyn negizgi talaptardy aiqyndap, júieli tásildi qamtamasyz etý, profilaktikalyq baǵytty kúsheitý jáne laýazymdy tulǵalardyń áskeri tártiptiń jai-kúii úshin jeke jaýapkershiligin arttyrý qajettigine nazar aýdardy.
Sabaqtar barysynda áskeri qyzmetshilerge psihologiialyq qoldaý kórsetý, emotsiialyq kúizelistiń aldyn alý jáne daǵdarystyq jaǵdailardyń profilaktikasy máselelerine erekshe kóńil bólindi. Problemalyq aspektiler qarastyrylyp, olardy sheshý boiynsha usynystar ázirlendi. Sonymen qatar áskerge shaqyrylǵandarmen, jas áskeri qyzmetshilermen jáne dinamikalyq baqylaý tobynda turǵandarmen jumystyń erekshelikteri aiqyndaldy.
– Áskeri tártip pen quqyqtyq tártip – jaýyngerlik ázirliktiń negizgi elementteriniń biri. Bul baǵyt Qorǵanys ministrligi basshylyǵynyń erekshe baqylaýynda. Árbir komandir men laýazymdy tulǵa ózine senip tapsyrylǵan bólimshelerdegi tártip úshin jeke jaýapty. Quqyq buzýshylyqtyń árbir faktisi boiynsha qoldanystaǵy zańnama aiasynda tiisti sharalar qabyldanady. «Zań jáne tártip» qaǵidaty barshaǵa ortaq jáne múltiksiz saqtalýǵa tiis, – dep atap ótti Qorǵanys ministriniń orynbasary.
Jiyn aiasynda garnizon bólimsheleri komandirleriniń orynbasarlarymen keńes ótkizilip, profilaktikalyq jumysty uiymdastyrý jáne quqyq qorǵaý organdarymen ózara is-qimyl máseleleri qaraldy.
Qurlyq áskerleriniń oqý ortalyǵynda Qorǵanys ministriniń orynbasary áskeri qyzmetshilermen jáne komandalyq qurammen kezdesýler ótkizdi. Kezdesý barysynda áskeri qyzmet ótkerý jaǵdailary, jaýyngerlik jáne kásibi daiarlyq deńgeii, sondai-aq jeke quramdy áleýmettik qoldaý máseleleri talqylandy.
Jumys saparynyń qorytyndysy boiynsha tárbielik jáne ideologiialyq jumystyń basym baǵyttary aiqyndalyp, onyń ishinde profilaktikalyq jumysty kúsheitý, tárbie jumysyn jaýyngerlik daiarlyq júiesine yqpaldastyrý, laýazymdy tulǵalardyń jeke jaýapkershiligin arttyrý, sondai-aq áskeri qyzmetshilerdi áleýmettik qoldaýdy jetildirý suraqtary erekshe nazarǵa alyndy.
