Áskerı sarapshy, otstavkadaǵy polkovnık Ermek Seıitbattalov qorǵanys salasyna túbegeıli ózgeris kerek ekenin málimdedi, - dep habarlaıdy Dalanews.kz.
Seıitbattalov Qazaqstandaǵy áskerdiń áleýetine, áýe qorǵanysyna qatysty pikir bildirdi. Sarapshy bul salany uıymdastyrý óte álsiz eken ekenin aıtty.
"Meniń paıymdaýymsha, (áskerdiń áleýeti - esk.) búgingi zamannyń talabyna saı emes. Kóp jerde aıtyp júrmin, áskerge reforma kerek. Óte keń, óte tereń reforma kerek. 32 jylda 13 mınıstr (aýysty - esk.). 13 mınıstrdiń 30 paıyzy - azamat. Olardyń áskerı daıyndyqtan, áskerı bilimnen habary joq. Qalǵany, 9 mınıstr de (bul salaǵa - esk.) beıindi emes, olardyń bolǵan ýaqytyna qarasańyz, 32 jyldyń ishinde alty jarym jyl ǵana kásibı, áskerı mınıstrler bolǵan. Olarǵa da suraqtar bar. Sonda 20 paıyzy ǵana áskerıler bolǵan. Búgingi zamanda bizdiń qaýipsizdigimizdi (olardan - esk.) damyǵan elderdegi sıaqty, damyp jatqan elderdegi sıaqty suraýǵa bolmaıdy. Nege deseńiz olardyń daıarlyǵy, uǵymy joq. Olar ondaı jaýap bere almaıdy.
(Áýe qorǵanysy - esk.) búgingi talapqa saı kelmeıdi . San emes, sapa emes, uıymdastyrý jaǵy óte aqsap tur. Keıbir men biletin óte jaqsy jigitter bar. Biraq olar júıeniń ishinde júr, jeke tulǵalyq kózqarasyn kórsete almaıdy. Kadrdan bastaý kerek. Kadrdy qoıatyn - basshylyq. Qorǵanys mınıstri, sonyń kabınetinde otyratyn adam ony biledi. Eldiń áskerı qorǵanysyn, ulttyq qaýipsizdigin bilip otyratyn, daıarlanǵan, bilikti adam kerek. Qazirgi qorǵanys mınıstrine kóńilim tolmaıdy. Naqty aıtpaımyn. (Sebebi - esk.) ofıserlik kodeks", - dedi ol Bilgen Durys arnasyna bergen suhbatynda.
Aıta keteıik, qazirgi qorǵanys mınıstri Rýslan Jaqsylyqov 2021 jylǵy qyrkúıekten 2022 jyly qańtar aralyǵynda İshki ister mınıstriniń orynbasary – Qazaqstan Respýblıkasy Ulttyq ulanynyń bas qolbasshysy qyzmetin atqarǵan.
Al 2022 jylǵy 19 qańtardan bastap Qazaqstan Respýblıkasynyń qorǵanys mınıstri laýazymyna kiristi.
