Al qonaqtar aiyppul tólemeý úshin elsiz jermen qasha jóneldi. Áleýmettik jelide osy oqiǵanyń videosy tarady.
Videoda bir top adamnyń qashyp bara jatqanyn baiqaýǵa bolady. Bireýler týra aidalamen qashsa, endi bireýler politsiia kóligin kórip, beri qarai júgirip keledi. Qolynda balasy bar adamdar da kórinedi.
"Temirtaý, Grand Hall degen toihanadan qashqan el. Myna jaqta politsiia tur", - deidi video avtory.
[video width="480" height="392" mp4="https://dalanews.kz/wp-content/uploads/2021/08/235031546_828011737883836_5479715739881661103_n.mp4"][/video]
Qala ákimdigi videonyń Grand Hall meiramhanasynyń artynda túsirilgenin rastady. Resmi málimetke sáikes, 9 tamyzda "102" qyzmetine Metallýrgter dańǵylynda ornalasqan meiramhanada kóp adamnyń jinalǵany týraly habarlama túsken.
"Sol jerge monitoringtik top bardy. Alaida meiramhana ákimshiligi olardy kirgizbei qoiǵan. Al qonaqtar jertóle arqyly ótetin qupiia jolmen qasha bastady. Meiramhana iesine 670 910 teńge kóleminde aiyppul salynady", - deidi qala ákimdiginiń baspasóz hatshysy Gúlnur Ábdiǵalieva.
Osy oraida jergilikti bilik Qaraǵandy oblysy koronavirýstyń taralýyna boiynsha "qoiý-qyzyl" aimaqta turǵanyn eske saldy. Sondyqtan karantin talaptaryn barynsha saqtaý qajet.
Derekkóz: sputnik.kz
