Almaty oblysynda blogerden qashyp bara jatqan prokýrordyń vıdeosy tarap ketken edi. Bul Qonaev qalasynyń prokýrory bolyp shyqty ári osy áreketi úshin jazalandy, - dep habarlaıdy Dalanews.kz.
"Tekserý qorytyndysy boıynsha vıdeodaǵy prokýrorlar túrli tártiptik jaýapkershilikke tartyldy", - deıdi Bas prokýratýranyń kadr qyzmeti Tengrinews.kz-ke jaýabynda.
Bul vıdeo áleýmettik jelide qyzý talqylanyp, kópshilik ony jaýapqa tartýǵa shaqyrǵan bolatyn.
"Almaty oblysynyń prokýratýrasy vıdeony túsirgen blogerlerdiń jaýapkershiligi týraly másele kótergen joq, alaıda vıdeoda kórsetilgen qyzmetkerler jeke quqyǵyn qorǵaý úshin sotqa óz betinshe júginýge quqyly", - deıdi prokýratýra ókilderi.
