QR Ishki ister vitse-ministri Marat Qojaev Qulsarydaǵy mitingke bailanysty pikir bildirdi, dep habarlaidy Dalanews.kz.
Ol miting barysynda adamdarǵa kúsh kórsetilmegenin jáne qamaýǵa alynbaǵanyn jetkizdi.
"Búgin Qulsarydaǵy alańnan adamdar úidi-úiine tarady. Meniń túsingenim boiynsha, konstrýktivti kelisimge keldi. Qulsary men Oral qalasynda da qandai da bir adam qamaýǵa alynyp, ótemaqy týraly talap qoiǵan adamdardyń eshqaisysy ustalmady", - dedi májilis qýlýarynda Qojaev.
"Aq Jaiyq" basylymynyń habarlaýynsha, mitingige shyqqandar alańnan óz erkimen ketip qalǵan.
Eske salaiyq, buǵan deiin Qulsary men Oral turǵyndary bilikten sýǵa ketken úileriniń ótemaqysyn berýdi talap etken.
