– Búgingi is-shara İshki ister mınıstrligin aýqymdy reformalaý kezeńinde ótip jatqandyqtan óte ózekti. Senim uǵymynyń ózi ishki ister organdarynyń qyzmetindegi kóptegen salalardy qamtıdy. Quqyq qorǵaý qyzmetin baǵalaý krıterııleriniń biri – halyqtyń polısıaǵa degen seniminiń deńgeıi ekeni sózsiz. Osyǵan baılanysty polısıa qyzmetin jetildirý qajettiligi halyqtyń senimin baǵalaýmen baılanysty, – dedi İİM Almaty akademıasynyń bastyǵy polısıa polkovnıgi Aıdar Saıtbekov.
Semınar barysynda oǵan qatysýshylar ishki ister organdarynyń kúndelikti jumysyna degen senimdi kúsheıtý tujyrymdamalary men strategıalaryn iske asyrý úshin basqarý qaǵıdattaryn qoldaný múmkindigine ıe boldy.
Polısıa jumysyndaǵy júıeli ózgeristerge baǵyttalǵan ornyqty qadamdar jaıly pikirtalastardyń nátıjesinde semınarǵa qatysýshylar turǵyndarmen neǵurlym tıimdi jumys isteýge, adamdarmen durys qarym-qatynas jasaýǵa baılanysty jáne jergilikti polısıa qyzmetin taldaý boıynsha qundy usynystar ázirledi.
