«QazMunaiGaz» ulttyq kompaniiasy Qashaǵan ken ornyna qatysty Bloomberg jariialaǵan aqparatty joqqa shyǵardy, dep habarlaidy dalanews.kz.
«Bul - shyndyqqa janaspaityn aqparat. Men bul jańalyqty oqydym. «QazMunaiGaz» retinde Bloomberg materialynda jariialanǵan málimetterdi rastamaimyz», - dedi «QazMunaiGaz» basqarma tóraǵasy Ashat Hasenov Astanada ótken baspasózge arnalǵan brifingte.
Onyń aitýynsha, ExxonMobil kompaniiasy QMG-niń burynnan kele jatqan senimdi seriktesi bolyp qala beredi jáne taraptar tehnologiialardy damytý baǵytynda birlesken jobalardy jalǵastyrady.
«ExxonMobil - «QazMunaiGazdyń» seriktesi. Burynnan kele jatqan, senimdi seriktes. Bizde tehnologiialardy damytýǵa qatysty birqatar kelisimderge qol qoiylǵan. Bul tek qoldanystaǵy ken oryndaryn igerýge ǵana qatysty emes. Biz olarmen árdaiym seriktestik qarym-qatynastamyz», - dedi Hasenov.
Buǵan deiin Bloomberg derekkózderine silteme jasap, ExxonMobil Qashaǵan ken ornynyń batys bóligin igerý boiynsha shamamen $80 mlrd bolatyn jobany iske asyrýdy usynyp, onyń ornyna NCOC investorlaryna qatysty ekologiialyq talaptar men arbitrajdyq daýdy retteýdi suraǵanyn habarlaǵan bolatyn.
Al Qazaqstannyń Energetika ministrligi bul máselege qatysty Ulysmedia saýalyna jaýap berip, atalǵan aqparatty rastaityn málimettiń joq ekenin málimdegen.
