Qazaqstan musylmandary dini basqarmasy (QMDB) Túrkistan oblysy Saryaǵash aýdanyndaǵy meshitte bolǵan oqiǵaǵa bailanysty resmi málimdeme jasady, dep habarlaidy Dalanews.kz.
QMDB málimetinshe, qoǵamda pikirtalas týdyrǵan áreketke jol bergeni úshin meshit imamyna eskertý jasalǵan.
“Meshit – qulshylyq úii, jamaǵat jinalatyn rýhani orda, qasietti meken, tárbie orny. Qulshylyq úiine kelgen adam meshit ádebin saqtaýy tiis. Bul – musylmannyń kórkem mineziniń bir.
Túrkistan oblysy Saryaǵash aýdanyndaǵy meshitte bolǵan oqiǵa áleýmettik jelilerde tarap, qoǵamnyń túrli pikir qaishylyǵyn týdyrdy. Osyǵan orai Qazaqstan musylmandary dini basqarmasy qasietti orynda qoǵam narazylyǵyn týdyrǵan áreketke jol bergeni úshin meshit imamyna eskertý jasady.
Qazaqstan musylmandary dini basqarmasy elimizdegi barsha musylman jamaǵatyn qulshylyq úilerinde daýys kóterip sóilemeýge, ádepsiz áreketterge jol bermeýge, urys-keris jasamaýǵa shaqyrady. Jamaǵatty barynsha meshit ádebin saqtaýǵa úndeimiz”, – delingen QMDB málimdemesinde.
Aita keteiik, buǵan deiin áleýmettik jelilerde Saryaǵash medresesiniń bas ustazy Ábdýjappar Smanovtyń áreketi jurtshylyqtyń narazylyǵyn týdyrǵan edi. Jýrnalist Oraz Álimbek Facebook paraqshasynda bas ustazdyń oqýshylarǵa aiaǵyn ýqalatyp otyrǵan videosyn jariialap, onyń orynsyz qylyǵy jaily jazǵan.
Qazirgi ýaqytta bul oqiǵa qoǵamda qyzý talqylanyp jatyr.
