Politsiia AQSh azamatyna týystary týraly aqparatty izdeýge kómektesti. Qazaqstanǵa kelgen erli-zaiypty ata-anasy ǵumyr keshken qazaq jerine jáne aǵasy jerlengen ziratqa baryp taǵzym etti, dep habarlaidy Dalanews.kz.
Amerikalyq Djeff Shaingold Qyzylorda oblysynyń politsiia departamentine ákesi týraly málimet surap júgindi. Onyń ákesi – ulty evrei, Tereńózek aýdanynda turǵan (qazirgi Syrdariia) jáne 1943 jyly qýǵyn-súrgin kezinde qamaýǵa alynǵan. Politsiia muraǵatynda ulynyń ótinishi boiynsha jan-jaqty izdeý jumystary júrgizildi.
“2022 jyly ata-anamnyń 1942 jyly Qazaqstanda Uly Otan soǵysy kezinde turǵanyn bildim. Olar Polshadan natsisterden qashqan. Bizde sot hattamasynan basqa málimetter bolǵan joq. Izdeý nátijesinde muraǵatta 80 jylǵa jýyq saqtalǵan qujattar tabyldy. Olar meniń ata-anam men №6 aýylda jerlengen aǵama qatysty qujattar. Politseilerdiń arqasynda biz olardyń 1942 jyldan 1946 jylǵa deiin ómirlerinen birshama maǵlumat aldyq”, – deidi Djeff Shaingold.
Qazaqstanǵa kelgen sheteldik erli- zaiypty ata-anasy ǵumyr keshken qazaq jerine jáne aǵasy jerlengen ziratqa baryp, taǵzym etti. Olar ata-anasynyń qymbat beinesin jadynda saqtaý úshin estelikterimen bólisti.
Aita ketý kerek, oblystyq politsiia departamentiniń muraǵatynda 30 myńnan astam qujat saqtalǵan. Bul qujattar týystarynyń taǵdyry týraly málimet izdegen júz myńdaǵan adamdarǵa, sonymen qatar tarihi aqparatty tolyǵymen qalpyna keltirý úshin ǵalymdar, jýrnalister men tarihshylar úshin óte mańyzdy.
