Qyzylordada qylmystyq toptyń áreketine tosqaýyl qoiyldy, - dep habarlaidy Dalanews.kz.
Qyzylorda qalasynda IIM UQK Bas prokýratýranyń úilestirýimen aimaqtaǵy kriminogendik jaǵdaiǵa teris áser etken qylmystyq toptyń jetekshisi men múshelerin ustaý boiynsha arnaiy operatsiia júrgizdi.
"Ustaýdyń aldynda olarǵa qatysty uzaq merzimdi jedel izdestirý sharalary júrgizilgen. Kúdiktilerdiń qylmystyq áreketterin dáleldeý olardyń kriminaldyq bailanystarynyń kóp bolýymen qiynǵa soqty. Barlyq fakti boiynsha tekserý júrgizilýde. Top músheleri óz maqsattaryn iske asyrý úshin adamdardy urlap áketip, múlkin tartyp alyp, qylmystyq qaqtyǵystarǵa qatysqan.
Sondai-aq, olardyń oiyn-saýyq mekemelerine qylmystyq qamqorlyq kórsetýge, qurylys jáne aýyl sharýashylyǵy salasynda bopsalaýlarǵa qatysy tekserilýde. Toptyń negizgi músheleri qamaýǵa alyndy. Atys jáne travmatikalyq qarý, iri mólsherde qarajat tárkilendi. Tergeý Qylmystyq kodekstiń birneshe baby boiynsha júrgizilýde", – dedi IIM uiymdasqan qylmysqa qarsy kúres departamentiniń ókili Qýandyq Alpys.
