Qytaidyń "Loong Airlines" áýe kompaniiasy Qazaqstanǵa áýe reisterin ashty
Osylaisha, Qazaqstan men Qytai aviatsiialyq mekemeleriniń birlesken jumysynyń arqasynda 2023 jylǵy 7 qyrkúiekte qytailyq "Loong Airlines" áýekompaniiasy Hanchjoý – Almaty baǵyty boiynsha alǵashqy jolaýshylar reisin oryndady.
Reister "A321" úlgisindegi áýe kemelerinde aptasyna 3 ret (seisenbi, beisenbi jáne senbi kúnderi) jiilikpen oryndalatyn bolady.
Jańa áýe tasymaldaýshynyń Qazaqstannyń áýe tasymaly naryǵyna kirýi, sondai-aq jańa áýe baǵyttyń ashylýy elder arasyndaǵy saýda-ekonomikalyq, týristik jáne mádeni yntymaqtastyqty odan ári damytýǵa yqpal etetin bolady.
Hanchjoý qalasy – Chjetszian provintsiiasynyń astanasy. Qala halqy 10 mln adam. 2023 jyldyń 23 qyrkúiegi men 8 qazany aralyǵynda qalada 19-shy Aziia oiyndaryn ótkizý josparlanýda. Hanchjoý qalasynyń áýejaiy-Qytaidaǵy eń kóp jumys isteitin 10 áýejaidyń biri.
"Loong Airlines" – 2011 jyldan bastap jolaýshylar men júk tasymaldaityn qytailyq aviakompaniia. Aviakompaniianyń floty "A321" (jolaýshylar) jáne "B737" (júk) tipti 70 ushaqtan turady.
Búgingi tańda "Loong Airlines " 170-ten astam qaladan 600 ishki jáne halyqaralyq jolaýshylar jáne júk baǵyttary boiynsha tasymaldaýdy oryndaidy.
Áýe kompaniia Hanchjoý qalasynda ótetin 19-shy Aziia oiyndarynyń resmi seriktesi bolyp tabylady.
