10 qyrkúıekte Lánúngan qalasynda (QHR) ishki ister jáne qoǵamdyq qaýipsizdik mınıstrleriniń “Ortalyq Azıa – Qytaı” formatyndaǵy alǵashqy kezdesýi ótti, - dep habarlaıdy Dalanews.kz.

İs-sharaǵa Qazaqstan, Qyrǵyzstan, Tájikstan, Túrikmenstan, Ózbekstan İİM jáne Qytaıdyń Qoǵamdyq qaýipsizdik mınıstrliginiń basshylyǵy qatysty. Qazaqstandyq delegasıany ishki ister mınıstri Erjan Sádenov basqardy.

Otyrysqa qatysýshylar qoǵamdyq qaýipsizdik salasyndaǵy yntymaqtastyqtyń, transulttyq qylmys, ekstremızm, esirtkiniń zańsyz aınalymy, kıberqylmys jáne adam saýdasy sıaqty zamanaýı syn-qaterlerge qarsy is-qımylda tájirıbe almasýdyń ózektiligin talqylady. 

Sonymen qatar, Qazaqstannyń ishki ister mınıstri men Qytaıdyń qoǵamdyq qaýipsizdik mınıstri arasynda ekijaqty kelissózder júrgizilip, onda qyzmettiń naqty baǵyttary boıynsha birqatar máseleler talqylandy.

Sapar aıasynda Erjan Sádenov Qoǵamdyq qaýipsizdik salasyndaǵy yntymaqtastyqtyń jahandyq forýmynyń konferensıasyna qatysty. Onda 100-den astam eldiń kúshtik qurylymdarynyń ókilderi boı kórsetti.

Qazaqstannyń ishki ister mınıstri áriptesterin qylmysqa qarsy kúres boıynsha qabyldanyp jatqan sharalar týraly habardar etip, qoǵamdyq qaýipsizdikti qamtamasyz etýde odan ári vedomstvoaralyq ózara is-qımylǵa jáne yntymaqtastyqty damytýǵa daıyn ekenin jetkizdi.

Sondaı-aq forým aıasynda Qazaqstan ishki ister mınıstriniń Túrkıa jáne Pákistan İİM basshylyǵymen ekijaqty kezdesýleri ótti.