"Aq jol" partiiasy fraktsiiasynyń depýtaty Erjan Beisenbaev saýdadaǵy import kórsetkishterinde qate baryn aitty. Bul týraly Stan.kz aqparat agenttigi jazdy, - dep habarlaidy Dalanews.kz.
Depýtattyń sózinshe, biýdjetti qalyptastyrýda qosylǵan qun salyǵy mańyzdy ról atqarady.
“Eksportqa qosylǵan qun salyǵy taýardyń taǵaiyndalǵan jerinde, iaǵni alýshy elderde tólenedi. Odan bólek Qazaqstan bul somalardy eksporttaýshylarǵa bizdiń biýdjetten qaitarady. Biýdjettiń kiris bóligin ishki operatsiialardan jáne elimizge keletin taýarlar importynan túsetin qosylǵan qun salyǵy quraidy. Alaida importtyń edáýir bóligi Qazaqstanǵa tiisti kedendik resimdeýsiz, ekonomikalyq kontrabanda arqyly keledi. Sol arqyly ulttyq ekonomikanyń múddesi men biýdjet kirisine ziian keltiredi”, – deidi depýtat.
Erjan Beisenbaevtyń aitýynsha, el biýdjetindegi osy "kóleńkeli import" boiynsha qosylǵan qun salyǵynyń alynbai qalǵan úlesi - 1,5 milliard dollar.
“Máselen 2024 jyldyń qorytyndysy boiynsha Qazaqstannan Qytaiǵa importtyń kedendik statistikasynda 13 milliard 750 million dollar bolatyn rekordtyq alshaqtyq anyqtalǵan.
Sarapshylardyń baǵalaýynsha, el biýdjetindegi osy "kóleńkeli import" boiynsha qosylǵan qun salyǵynyń alynbai qalǵan úlesi - 1,5 milliard dollar (756 million 315 myń teńge). Tólenbegen kedendik baj salyǵyn aitpaǵanda, 850 milliard teńge”, – dedi depýtat.
