Qyrymbek Kósherbaev Jer kodeksine qarsy bir top belsendimen kezdesti
Oblys ákimi sóz bolyp jatqan jer týraly zańnyń jái-japsaryn túsindirip, kezdesýge kelgen azamattardyń suraqtaryna egjei-tegjei jaýap berdi.
- Eń áýeli, osy máselege alańdaýshylyq bildirgen azamattarǵa rizashylyq bildirgim keledi. Týǵan jerge degen janashyrlyq - ár adamnyń perzenttik paryzy, azamattyq mindeti.Eń bastysy sizdermen birlesip jumys istesek kez-kelgen máseleni sheshýge bolady - dedi oblys ákimi Qyrymbek Kósherbaev.
Kezdesýge kelgen azamattar turǵyndar arasynda jer máselesine qatysty alańdaýshylyq bar ekenin jetkizdi. Jáne Zańdy halyqqa túsindirý jumystaryn keńeitý qajettigin aitty. Sondai-aq, kezdesý taqyryby men basqa da ózekti máselelerge qatysty saýaldaryn qoiyp, birqatar usynystaryn ortaǵa saldy.
Aimaq basshysy aitylǵan usynys-pikirlerdi muqiiat tyńdap, oblys deńgeiinde sheshýge bolatyn máselelerge qatysty birqatar tapsyrmalar berdi. Al respýblika deńgeiindegi áreket talap etetin máselelerge qatysty oblys ákimshilgi berilgen usynystardy saraptap, tiisti organdarmen birlesip jumys isteitindigin aitty.
Derekkózi: sn.kz
