Qyrǵyzstanda bir saǵattyń ishinde eki jer silkinisi boldy, - dep habarlaıdy Dalanews.kz.
Birinshi 3.8 baldyq jer silkinisi jergilikti ýaqyt boıynsha 10:04-te tirkeldi. Jer silkinisiniń qarqyny - 3,5 bal. Tereńdigi - 15 shaqyrym.
Qyrǵyz Respýblıkasy Ulttyq ǵylym akademıasynyń Seısmologıa ınstıtýtynyń (QR UǴA SI) málimetinshe, jer silkinisiniń oshaǵy Qyrǵyzstan aýmaǵynda, Jalal-Abad oblysynda ornalasqan. Eldi mekenderde jer silkinisiniń kúshi:
- Qos-Terek aýylynda – 3,5 bal shamasynda,
- Kyzyl-Ýnkýr, Jaz-Kechýý, Aq-Bulaq aýyldarynda – 3 bal,
- Arslanbob aýylynda - 2,5 bal.
Magnıtýdasy 3,2 bolatyn ekinshi jer silkinisi jergilikti ýaqyt boıynsha 11:07-de boldy. Oqıǵa kezindegi qarqyndylyq shamamen 3 bal bolǵan. Tereńdigi - 19 shaqyrym.
Qyrǵyz Respýblıkasy Ulttyq ǵylym akademıasynyń Seısmologıa ınstıtýtynyń (QR UǴA SI) málimetinshe, jer silkinisiniń oshaǵy Qyrǵyzstan aýmaǵynda, Bishkek qalasynan ońtústik-batysqa qaraı 36 shaqyrym jerde ornalasqan.
Eldi mekenderde jer silkinisiniń kúshi: Kashka-Sýý jáne Tosh-Býlak aýyldarynda – 2,5 bal shamasynda boldy.
