Qyrǵyzdar pnevmoniiany COVID-19 virýsy dep sanaityn boldy
Bul týraly 16 shildedegi brifingte eldiń vitse-premeri Aida Smailova málimdedi.
Smailovanyń sózinshe jaqyn arada densaýlyq saqtaý ministrligi COVID-19 jónindegi ulttyq klinikalyq nusqaýlyqtyń úshinshi nusqasyn shyǵarǵan.
– Statsionarlyq jáne ambýlatoriialyq kómek kórsetý úshin naýqastardy koronavirýs infektsiiasynan, onyń asqynǵan jaǵdailarynan, sonyń ishinde aýrýhanadan tys pnevmoniiadan emdeý algoritminen turady. Dúniejúzilik densaýlyq saqtaý uiymynyń aýrýlardyń halyqaralyq jiktemesinde COVID-19 zerthanalyq taldaý arqyly anyqtalatyn U.07.1 kodyna da, zerthanada naqtylanbaityn, biraq klinikalyq belgileri nemese rentgen arqyly kórinetin U.07.2 kodyna da jatady. Densaýlyq saqtaý ministrligi aýrýhanadan tys pnevmoniiany U.07.2 kodyna jatqyzatyn buiryq shyǵardy. Osylaisha aýrýhanadan tys pnevmoniianyń statistikalyq jaǵdailary COVID-19 bolyp sanalady, – dedi Ismailova.
Koronavirýs epidemiiasy bastalǵaly Qyrǵyzstanda koronavirýstan resmi 167 adam, pnevmoniiadan 612 adam qaitys bolǵan. Dárigerlerdiń aitýynsha, pnevmoniiaǵa shaldyǵý jaǵdailarynyń 95 paiyzynda aýrýdyń qozdyrýshysy COVID-19 bolyp otyr. Osy ýaqytqa deiin bilik COVID-19 naýqastary men pnevmoniia naýqastaryn bólek sanap keldi.
Qyrǵyzstan belgileri koronavirýstikine uqsaityn, biraq test nátijesi teris shyqqan pnevmoniia jaǵdailary kúrt kóbeigen eki eldiń biri. Dál osyndai jaǵdai Qazaqstanda da baiqalyp otyr.
Qazaqstanda 2020 jyldyń alǵashqy alty aiynda pnevmoniiaǵa shaldyqqandar sany aldyńǵy jyldyń osy merzimimen salystyrǵanda 55,4 paiyzǵa ósip 98 546-ǵa jetken. Tek 1-8 shilde aralyǵynda pnevmoniiaǵa 56 809 adam shaldyqqan. Onyń ishinde 39 702 jaǵdaida PTR nátijesi teris shyqqan, biraq aýrý belgileri koronavirýstikine uqsaǵan. Bilik shilde pnevmoniiadan qaitys bolǵandardy júieli túrde habarlap otyrǵan joq. Degenmen densaýlyq saqtaý ministrligi maýsym aiynda pnevmoniiadan 628 adamnyń, 29 maýsym men 7 shilde aralyǵynda 453 adamnyń qaitys bolǵanyn habarlady. Pnevmoniianyń osy derekteri koronavirýs statistikasyna kirmegen. Bilik shilde aiynda qansha adamnyń pnevmoniiadan qaitys bolǵanyn, 9 shildeden beri qansha adamnyń pnevmoniiaǵa shaldyqqanyn aitpai otyr.
