Qyrǵyzdar jol apatynyń kóbeigeni úshin mitingke shyqty
«Konstitýtsiialyq keńesý úshin» qozǵalysynyń atqarýshy direktory Rita Karasartova belsendiler jol apatynyń azaiýyn bilikten talap etip, kúndelikti aktsiia ótkizedi dep málimdedi.
«Apat kúnde bolyp, adamdar qaza taýyp jatyr. «Qaýipsiz qala» qashan jumys isteidi, biz sottyń aiaqtalǵanyn kútip otyrýymyz kerek pe? Biz tez arada shara qoldanýdy talap etemiz», - dedi ol.
Narazylyq aktsiiasyna qatysýshylardyń suraqtaryna Bishkektiń patrýldy militsiia basqarmasynyń shtab basshysy Jaqyp Jýmaev jaýap berip jatyr.
Qyrǵyzstanda sońǵy úsh jylda 20 myń 53 jol-kólik oqiǵasy tirkelgen. Odan 3 myń 20 adam qaza taýyp, 30 myńǵa jýyq adam jaraqat alǵan. Orta eseppen kúndelikti 18 jol apaty tirkelip, 3 adam qaza tabady eken.
