Qyrǵyzdar dini dogmatizmge shekteý qoimaq
"Biz keibir arab elderiniń oisyz dini dogmanyń sońyna túsýi nege ákelip soǵyp jatqanyn kórip otyrmyz. Solardyń biri — týra jol "Islam memleketinde" degen úndeýler. Bizdiń memlekette konstitýtsiialyq qaǵidalardy buzýǵa jol berilmeýi tiis dep esepteimin. Bizdiń elde árkim óz oilaryn erkin jetkizýge quqyqtary bar, biraq dini qyzmetti saiasatqa aralastyrýǵa jol berilmeý qajet, ásirese qasietti ramazan aiy kezinde", -dedi Atambaev.
Prezident respýblikada dini-senim bostandyǵyn júzege asyrýǵa barlyq jaǵdai jasalǵanyn aitty.
"Ózge konfessiianyń ókilderi sekildi musylmandar da óz dinderinde erkin ǵibadat jasai alady. Osy ýaqytqa deiin Qyrǵyzstanda juma-namaz kezinde kedergi jasaldy degen birde-bir shaǵym túsken emes", - dedi memleket basshysy.
Prezidentpen kezdeskender Eńbek kodeksine juma kúni musylmandar úshin namaz oqýlaryna jaǵdai jasaý úshin túski as ýaqytyn uzartý jóninde ózgerister engizý týraly zań jobasy tóńiregindegi daýǵa alańdaityndyqtaryn bildirgen.
