Halyqtyń 54,75 paıyz daýysyna ıe bolǵan Sosıal-Demoktarıalyq partıanyń kóshbasshysy Sooronbaı Jeenbekov prezıdenttik saılaýda jeńiske jetti, – dep habarlaıdy Tengrinews.kz tilshisi Qyrǵyzstannyń  Ortalyq saılaý komıtetiniń málimetine silteme jasap.



Qazirgi tańda Jeenbekovtiń shtabyndaǵylar jeńisti toılap jatyr. Qyrǵyz Respýblıkasynyń Ortalyq saılaý komıtetiniń málimetinshe, búletenderdiń 97 paıyzy daýystardy avtomat esepteý júıesi arqyly eseptelgen.

Al kandıdat Ómirbek Babanovtyń shtaby qazirgi ýaqytta "aldyn ala avtomat saılaý búletenderin salatyn arnaıy jáshikterdiń esepteýshindegi ereje buzýshylyqtardyń jáne sáıkessizdikter týraly barlyq derek jınaqtalyp jatqanyn" málimdedi.

Qyrǵyz Respýblıkasynyń eks-premer-mınıstri Omýrbek Babanov 33,8 paıyz daýys jınap, ekinshi oryn aldy. Úshinshi orynda "Býtýn Qyrǵyzstan" partıasynyń basshysy Adahan Madýmarov – 6,47 paıyz daýys jınaǵan.  Respýblıka boıynsha 2 375 saılaý ýchaskesi jumys istedi, onyń 234-i Bishkekte.

Eske sala keteıik, osyǵan deıin 12 qazannan bastap Bishkektegi ishki ister organdarynyń barlyq quramynyń kúsheıtilgen rejımge ótkeni habarlanǵan bolatyn.