Qyrǵyzstan parlamentindegi ekinshi iri partıa - "Respýblıka - Ata Jýrt" partıasy burynǵy premer-mınıstr Omýrbek Babanovty bıyl kúzde ótetin prezıdent saılaýyna kandıdat retinde usyndy. Azattyqtyń Qyrǵyz redaksıasynyń habarlaýynsha, mundaı sheshim 14 aqpanda partıanyń Bishkekte ótken jıynynda qabyldandy. Bul týraly "Azattyq" saıty habarlady.

47 jastaǵy Babanov Qyrǵyzstanda 2011-2012 jyldary premer bolǵan.

"Respýblıka - Ata Jýrt" partıasy parlamenttegi 120-orynnyń 28-ine ıe, biraq ol prezıdent Almazbek Atambaevtyń Sosıal-demokratıalyq partıasy (SDP), Qyrǵyzstan partıasy men "Bır bol" partıasy quraıtyn basqarýshy koalısıaǵa kirmeıdi.

Babanov partıasy resmı túrde opozısıalyq degen mártebege ıe bolǵanymen, partıa basshylyǵy bılikti ashyq synap, kóp qarsylyq bildirmegen.

Buǵan deıin ózge taǵy eki belgili saıasatker - eks-premer, "Ak-SHýmkar" partıasyn basqaratyn Temır Sarıev pen "Ónýgýý-Progress" partıasynyń jetekshisi Bakyt Torobaev ta prezıdent saılaýyna túsý nıeti baryn málimdegen.

Qyrǵyzstan zańy boıynsha, prezıdent alty jyldyq bir merzimge ǵana saılana alady. Qazirgi prezıdent Almazbek Atambaevtyń prezıdenttik ókileti bıyl jeltoqsanda aıaqtalady.